Moskva məhkəməsi Azərbaycanın tələbi əsasında terrorçuluq işi üzrə təqsirləndirilən şəxsin həbsinə qərar verib.
Bu barədə RİA Novosti məlumat yayıb.

Məlumata görə, təqsirləndirilən şəxs Azərbaycanda terrorçuluq məqsədilə təlim keçirmək, cinayətkar birlik yaratmaq və silahlı qruplaşmalar təşkil etməkdə ittiham olunur. Onun barəsində Azərbaycanda qiyabi həbs qətimkan tədbiri seçilib və beynəlxalq axtarış elan edilib.

Azərbaycan hüquq-mühafizə orqanları tərəfindən hazırlanan sənədlər təcili rabitə kanalları vasitəsilə Rusiya tərəfinə təqdim olunub və həmin sənədlərdə şəxsin dərhal nəzarətə götürülməsi tələb olunub.

Həbs edilən şəxsin Rusiya vətəndaşlığı olmadığı, lakin vətəndaşlığının dəqiqləşdirildiyi bildirilir. Hazırda onun Azərbaycana ekstradisiyası məsələsinin hüquqi müstəvidə baxıldığı ehtimal olunur.