Sürücülərin Sədərək ticarət mərkəzinə pullu girişi ləğv olunub.

Bu barədə Axar.az-ın əməkdaşına məlumat verilib.

Buna qədər paytaxtın Lökbatan qəsəbəsində yerləşən iri ticarət mərkəzinə giriş kartla idi və sürücülər 50 qəpik ödəyirdi.

Artıq bu qayda ləğv olunub və sürücülər ödəniş etmədən sərbəst şəkildə bazara daxil ola bilirlər.

Ödənişin ləğv edilməsinin səbəbi açıqlanmasa da, son günlərdə yarmarkada alıcılıq qabiliyyətinin aşağı düşməsi ehtimal olunan səbəblərdən biridir.