Noxud zəngin qida dəyərinə malik olub sağlamlıq üçün çox faydalıdır. Foodinfo.az xəbər verir ki, tərkibindəki yüksək miqdarda protein, lif, vitamin və minerallarla noxud bədənin gündəlik qida ehtiyaclarını qarşılamağa kömək edir. Noxud, xüsusilə bitki mənşəli proteinlərlə zəngin olduğu üçün vegeterian və vegan qidalananlar üçün əvəzsiz bir mənbədir. Həmçinin B vitamini, fol turşusu, dəmir, maqnezium və fosfor ehtiva edir.Onun əsas faydalarından biri ürək-damar sağlamlığına dəstək olmasıdır. İçərisindəki lif və antioksidantlar qan təzyiqini tənzimləyir, pis xolesterolu azaldır və ürək xəstəlikləri riskini aşağı salır. Lif tərkibi, həmçinin həzm sistemini dəstəkləyir, qəbizliyin qarşısını alır və bağırsaq sağlamlığına müsbət təsir göstərir.Bundan əlavə, noxud qan şəkərini tənzimləməyə kömək edir. Aşağı glisemik indeksə sahib olduğundan qanda şəkərin səviyyəsini sabit saxlamaq üçün idealdır. Bu səbəbdən diabet xəstələri üçün də faydalıdır. Eyni zamanda, noxudda olan dəmir və fol turşusu qan azlığının qarşısını almağa kömək edir.Noxudu salatlara, şorbalara və ya əsas yeməklərə əlavə edərək bu qidalı bitkinin faydalarından yararlanmaq mümkündür.