Nə üçün yaşıl yarpaqlı tərəvəzləri yemək vacibdir?

13-02-2025, 11:58           
Nə üçün yaşıl yarpaqlı tərəvəzləri yemək vacibdir?
Yaşıl yarpaqlı tərəvəzləri yemək sağlamlıq üçün çox vacibdir, çünki onlar vitamin, mineral və antioksidantlarla zəngindir. Foodinfo.az xəbər verir ki, tərkiblərindəki yüksək miqdarda A, C və K vitaminləri immuniteti gücləndirir, göz sağlamlığını qoruyur və qan laxtalanmasını tənzimləyir. Kalsium, maqnezium və dəmir kimi minerallar isə sümükləri möhkəmləndirir, qan dövranını yaxşılaşdırır və enerjini artırır. Bu tərəvəzlər liflə zəngindir, bu da həzmi yaxşılaşdırır, bağırsaq sağlamlığını dəstəkləyir və qəbizliyin qarşısını alır. Eyni zamanda, az kalorili və qidalandırıcı olmaları arıqlamaq istəyənlər üçün ideal seçimdir. Yaşıl yarpaqlı tərəvəzlər antioksidant tərkibləri ilə sərbəst radikalları zərərsizləşdirərək hüceyrə zədələnməsinin qarşısını alır və xərçəng riskini azaldır. Tərkiblərindəki fitokimyəvi maddələr ürək-damar sağlamlığını qoruyur, qan təzyiqini tənzimləyir və xolesterini azaldır.Gündəlik rasionda ispanaq, kahı, kələm və cəfəri kimi tərəvəzlərə yer vermək ümumi sağlamlıq üçün çox əhəmiyyətlidir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru