Bu günlərdə bəzi KİV – də “Muğanbank” ASC haqqında yanlış məlumat getmisdir.

Məqalədə göstərilir ki , Bakı şəhər sakinləri Abbas Məmmədov, Vüqar Eyvazov və Eldar İsmixanovun əmanətləri “Muğanbank” ASC-də mənimsənilib.

Nəzərinizə çatdırmaq istərdik ki, məqalədə adları göstərilən vətəndaşlar :Abbas Məmmədov, Vüqar Eyvazov və Eldar İsmixanovun “Muğanbank” ASC-nin “Dostluq” filialında nəinki əmanət, ümumiyyətlə heç bir hesabı yoxdur və olmayıb. Hər bir vətəndaş banka gəlib istənilən xidmətdən (Kommunal ödənişlər, pul köçürmələri və s.) istifadə edə bilər və bu zaman müşahidə kameralarına da düşə bilər. Bu zaman məsul şəxslərin və işçilərin öz iş yerlərində olub vəzifələrini icra etmələri normal haldır.

Hər hansı bir vətəndaşın “Muğanbank” ASC-nin “Dostluq” filialının keçmiş xəzinədarı Azad Əliyev ilə şəxsi münasibətləri və əlaqələri olubsa da, bunun banka aidiyyatı yoxdur və bank buna görə heç bir məsuliyyət daşımır.

RASHAD T. ALIYEV | Director of Marketing Department