Almaniyanın xarici işlər naziri Hayko Maas Avropa İttifaqının Venesuela prezidenti Nikolas Maduroya qarşı sanksiya tətbiq edə biləcəyini istisna etməyib.

“Report” TASS-a istinadən xəbər verir ki, o bunu ZDF telekanalının efirində deyib.

"Aİ XİN rəhbərlərinin son görüşü zamanı Avropa İttifaqının Nikolas Maduro rejiminə qarşı yeni sanksiyalara əl atmağın lazım olacağı məqamın yetişə biləcəyi ilə bağlı mövzu qaldırılıb", - deyə Maas bildirib.

O həmçinin Karakasın Almaniya hökumətinin Latın Amerikası ölkəsinin daxili işlərinə qarışması ilə bağlı ittihamlarını təkzib edib.

Maasın sözlərinə görə, Almaniyanın "arzuolunmaz şəxs" elan edilən Venesueladakı səfiri Daniel Kriner müxalifət lideri Xuan Quidonun tutulmamasına yardım edib.

"Biz istəyirik ki, o [Quaido] azad, ədalətli və demokratik seçkilər keçirmək iqtidarında olsun", - deyə nazir izah edib.