«AzPolitika.info»-nun xarici KİV-ə istinadla verdiyi xəbərə görə, Amierika Birləşmiş Ştatları (ABŞ) prezidentinin milli təhlükəsizlik məsələləri üzrə müşaviri Con Bolton hesab edir ki, Venesuelanın prezidenti Nikolas Maduro müxalifət lidei Xuan Quaydonun həbs edilməsi barədə qərar verməkdən qorxur, çünki onun bu əmrini sadəcə, yerinə yetirməyə bilərlər.

Ağ Evin nümayəndəsi bu fikri «ABC» teleşirkətinə verdiyi müsahibədə səsləndirib.

«Mən, hesab edirəm ki, hazırda hərəkətverici qüvvə Quaydonun tərəfindədir» – deyə, Bolton qeyd edib və diqqəti buna yönəldib ki, Venesuela hakimiyyəti müxalifətçinin və onun tərəfdarlarının həbsinə cəsarət etmir.

«Bunun bir səbəbi də ondan ibarətdir ki, Maduro bu barədə uyğun əmr verməyə qorxur, çünki ona tabe olmaya bilərlər» – deyə, Bolton bildirib.