“Henley&Partners” şirkətinin tərtib etdiyi siyahıya əsasən, Yunanıstan pasportu nüfuzuna görə dünyada altıncı yerdədir. Belə ki, Yunanıstan vətəndaşları 184 ölkəyə vizasız səfər edə bilərlər. ABŞ, İrlandiya, Kanada və Belçika vətəndaşları da eyni sayda ölkəyə səyahət etmək hüququna sahibdirlər.

İlk sırada Yaponiya, Sinqapur və Cənubi Koreya qərarlaşıb. Bu ölkələrin vətəndaşları 189 ölkəyə maneəsiz səfər edə bilərlər. İkinci yerdə Almaniya (188 ölkə), üçüncü yerdə isə Danimarka ilə yanaşı, Fransa, Finlandiya, İsveç və İtaliyadır. Bu göstərici üzrə siyahıda sonuncu pillədə İraq, Əfqanistan, Suriya və Somali dayanır.