ABŞ Prezidenti Donald Trampın Qolan təpələrində İsrailin suverinliyini tanımasından sonra ABŞ yeni beynəlxalq xəritə tərtib edib.

Axar.az xəbər verir ki, bu barədə məlumatı Trampın beynəlxalq danışıqlar üzrə xüsusi nümayəndəsi Ceyson Qrinblatt Tvitter hesabında qeyd edib. Ceyson yeni xəritənin fotosunu paylaşaraq, "Qolan təpələrində İsrail suverenliyinin tanınmasıyla bağlı bəyanatdan sonra beynəlxalq xəritə sistemimizdəki yeni əlavəyə xoş gəldiniz",- sözlərini qeyd edib.

Qeyd edək ki, bir müddət öncə ABŞ Prezidenti Donald Tramp Suriyanın Qolan təpələrini İsrail ərazisi kimi tanıyıb.