ABŞ Ukraynaya dəstək göstərməyə davam edəcək.

Publika.az UNİAN agentliyinə istinadən xəbər verir ki, bu haqda tvitter səhifəsində ABŞ-ın Ukrayna üzrə xüsusi nümayəndəsi Kurt Volker bildirib.

Ukraynada sabah keçiriləcək prezident seçkilərini şərh edən Volker qeyd edib ki, ABŞ bu ölkəyə uzun müddət üçün gəlib. Volkerin sözlərinə görə, Vaşinqtonun əsas vəzifəsi güclü, demokratik, çiçəklənən və təhlükəsiz Ukraynanın dəstəklənməsidir.

O həmçinin Krım da daxil olmaqla, Ukrayna sərhədlərinin yenidən tamamilə bərpasının vacib olduğunu qeyd edib.