Rusiyaya qarşı yeni və daha effektiv sanksiya paketi hazırlanır.
Teleqraf.com xəbər verir ki, bu barədə Ukraynanın xarici işlər naziri Pavel Klimkin deyib:

“Kiyev Kerç boğazında yaranan böhrandan sonra şəxsi sanksiyalar nəzərdə tutan paket hazırlamır.
Diplomatlarımız daha çox iqtisadi mərkəzli və ciddi təsiri olan paket üzərində işləyir. Hazırda detalları açıqlamaq niyyətində deyiləm. Rusiya həbsxanalarında əsir kimi saxlanılan dənizçilərimizi Rusiya hakimiyyəti öz maraqlarına uyğun anlaşma əldə etmək məqsədilə istifadə edir”.

Məlumat üçün xatırladaq ki, Rusiya Donbas regionunda yaşayan ukraynalı vətəndaşlara Rusiya dövlət pasportu verilməsini asanlaşdırmağı nəzərdə tutan tədbirlərə başlayacağını açıqladıqdan sonra Ukrayna rəsmiləri dünya ölkələrini bu qanunsuzluğa səssiz qalmamağa və diplomatik sahədə Rusiyaya qarşı yeni sanksiyalar paketi qəbul etməyə səsləyib.