ABŞ-ın lideri olduğu İŞİD-ə qarşı koalisiya qüvvələri Suriyanın Deyr-əz Zor rayonunda YPG/PKK işğalındakı bölgədən Suriya hökumət qüvvələrinn nəzarəti altında olan ərazilərə neft daşıyan tankerləri havadan pulemyotlarla vurub. Bununla da tankerlərdəki neft yükünü ələ keçiriblər. Tankerləri daşıyanlar isə hadisə yerindən qaçıblar. İŞİD-ə qarşı koalisiya məsələ ilə bağlı hələlik açıqlama verməyib.

ABŞ-ın dəstəklədiyi terror təşkilatı Suriyadakı neft mənbələrinin 70 faizini işğalı altında saxlamaqdadır. YPG/PKK, işğal elədiyi sahələrdəki neftin bir qismini Fərat çayının üzərindən daşıyaraq Suriya hökumətinə satır, daha dəqiqi, Suriyanın öz neftini özünə satır.

PKK/YPG təşkilatı ilə B.Əsəd hökuməti 2018-ci ildə İraq sərhədindəki Deyr-əz Zor rayonunda təşkilatın işğalı altında olan neft yataqlarının istismarı üçün danışıqlar aparmağa başlamışdı.

Bu çərçivədə aralarında rus mütəxəssislərin də olduğu Suriya heyəti YPG/PKK-nın işğal etdiyi və ölkənin ən böyük neft sahəsi olan Əl Ömərə səfər eləmişdi.

Hökumətin nəzarəti altındakı ərazilərdə fəaliyyət göstərən şirkətlər YPG/PKK-dan aldıqları nefti daha sürətli şəkildə nəql eləmək üçün bu ilin fevral ayında terrorçuların işğalı altında olan Şuheyldən, hökumətin nəzarəti altındakı Bukrisə boru xətti çəkmişdilər.

Hurriyyet.org