Rusiya Prezidenti Vladmir Putin bu gün yerli və xarici media mənsubları üçün ənənəvi geniş mətbuat konfransı keçirəcək.

Axar.az xəbər verir ki, dövlət başçısının builki konfransına rekord sayda KİV nümayəndəsinin qatılacağı gözlənilir.

Konfrans üçün ötənilkindən (1702 nəfər) daha çox - 1895 nəfər qeydiyyatdan keçib. Tədbir yenə Moskvadakı Beynəlxalq Ticarət Mərkəzində baş tutacaq.

Qeyd edək ki, bu, sayca 15-ci belə mətbuat konfransı olacaq. Ötən illərdə Putin 2 sutkaya (47 saat) yaxın vaxtını bu formatda jurnalistlərlə ünsiyyətə həsr edib.

***

Rusiya Prezidenti Vladmir Putinin bu gün yerli və xarici media mənsubları üçün ənənəvi geniş mətbuat konfransı başlayıb.

***

Kiyevə Donbasla birbaşa dialoq lazımdır, o isə yoxdur.

Bunu Rusiya Prezidenti Vladimir Putin jurnalistlərlə keçirdiyi illik mətbuat konfransında deyib.

“Normand formatı” barəsində açıqlama verən Rusiya Prezidentinin sözlərinə görə, əgər pozitiv dəyişikliklər olarsa, apreldə keçiriləcək görüş aktual olacaq.

Putin onu da qeyd edib ki, Ukrayna Rusiyaya olan 3 milyard dollar borcunu hələ də ödəməyib.

***

“Keçmiş SSRİ respublikalarından istənilən birinin liderinin Qələbə gününün 75 illiyinin qeyd edilməsi üçün Moskvaya gəlməməsi səhv olardı. Ona görə ki, bu onların öz vətənlərinin müstəqilliyi uğrunda mübarizə aparan və canından keçən insanlara hörmətsizlik demək olacaq”, – deyə o bildirib.