Avrasya İqtisadi İttifaqının Sankt-Peterburq şəhərində keçirilən sammitində gərgin anlar yaşanıb.

Yenicag.az xəbər verir ki, Avrasiya İqtisadi İttifaqının toplantısında çıxış edən Ermənistanın baş naziri Nikol Paşinyan üzv ölkələrin rəhbərlərini salamladıqdan sonra protokolu pozub ve Rusiya prezidenti Vladimir Putinə söz verməyib. O, birbaşa sənədlərin imzalanmasına keçməyi təklif edib. Bu hərəkəti ilə Putini acıqlandıran Paşinyan daha sonra çıxış üçün Rusiya prezidentinə söz verib. Lakin Putin çıxış etməkdən imtina edib.

Ermənistanın baş naziri bu hərəkəti ilə Rusiya ilə bərabərhüquqlu dövlət olduğunu göstərməyə çalışıb və ikitərəfli münasibətlərə ciddi zərbə vurub.

Qeyd edək ki, Avrasiya İqtisadi İttifaqı (AAİİ) 2014-cü ildə yaradılmış beynəlxalq iqtisadi təşkilatdır. AAİİ-yə beş ölkə daxildir: Rusiya, Belarus, Ermənistan, Qazaxıstan və Qırğızıstan. Moldova müşahidəçi statusundadır.