Səudiyyə Ərəbistanının İstanbuldakı Baş konsulluğunda xüsusi amansızlıqla qətlə yetirilən jurnalist Camal Qaşıqçının oğlu Salah Qaşıqçı atasının ölümündə təqsirli bilinən 5 nəfərə edam cəzası verilməsinə münasibət bildirib.

Teleqraf.com xəbər verir ki, Salah məhkəmə qərarının adətən, ədalət və prosesin sürəti kimi iki prinsipə əsaslandığını deyib:

"Haqsızlıq və gecikmə olmayıb. Bu gün ədalət bərpa olunub. Bizlər mərhum Camal Qaşıqçının övladlarıyıq. Bütün səviyyələrdə Səudiyyə mühakiməsinə inamımızı, qərarın ədalətli olduğunu təsdiqləyirik. Allaha həmd olsun".

Qeyd edək ki, Səudiyyə Ərəbistanı məhkəməsi jurnalist Camal Qaşıqçının qəddarlıqla öldürülməsinə dair prosesdə 5 nəfərin edam, 3 nəfərini isə 24 il müddətində azadlıqdan mərhum edilməsi barədə qərar çıxarıb.