İsrailin Baş naziri Benyamin Netanyahunun Sudanda qiyamçı general Əbdülfəttah əl-Burhan ilə görüşdüyü məlum olub.

Axar.az xəbər verir ki, qiyamçı general Netanyahu ilə Sudanın milli təhlükəsizliyini və xalqın mənfəətini qorumaq üçün görüşdüyünü deyib.

“Sudan ilə İsrail arasındakı əlaqələrin inkişafı Konstitusiya Bəyannaməsində göstərildiyi kimi müvafiq qurumların işidir. Ərəb Dövlətləri Liqasının qərarlarına uyğun olaraq, Sudanın Fələstin məsələsindəki prinsipial mövqeyini və xalqımızın müstəqil dövlət yaratmaq haqqını bir daha dəstəkləyirəm”, – Əbdülfəttah əl-Burhan bildirib.