İran Zafar adlı Yerin süni peykini saatda 7400 kilometr sürətlə orbitə çıxaracaq.

Qaynarinfo xəbər verir ki, bunu İranın Rabitə və İnformasiya Texnologiyaları naziri Məhəmməd-Cavad Azəri Çahrami açıqlayıb.

Raketin buraxılışı Semnanda baş tutmalıdır.

ABŞ-a görə İran bu peyklərlə raket texnologiyasını formalaşdırdığını ört-basdır etmək istəyir və ballistik texnologiyadan nüvə başlığı atmaq üçün istifadə edə bilər. Öz növbəsində, Tehran nüvə silahının inkişafı ilə heç vaxt məşğul olmadığını bəyan edib.