Rəsmi Moskva Belarusdakı müxalifətin Rusiya oliqarxları tərəfindən maliyyələşdirilməsi məsələsinə aydınlıq gətirib.

Axar.az xəbər verir ki, Kremlin mətbuat katibi Peskov Rusiyada heç bir oliqarxın olmadığını deyib.

“Oliqarxlar siyasi hədəfləri olan və siyasətə təsir üçün öz pullarından istifadə etməyi arzulayan sahibkarlardır. Mənə bizim ölkədə oliqarxların olub-olmaması və onların Belarusda nəsə etmək istədikləri bəlli deyil”, – deyə o bildirib.

Qeyd edək ki, bundan öncə Belarus Prezidenti Aleksandr Lukaşenko ölkədəki radikal müxalifətin rus oliqarxlar tərəfindən maliyyələşdirildiyini açıqlamışdı.