Əfqanıstan Prezidenti Əşrəf Qəni Taliban qruplaşmasının həbsdə olan 2 min üzvünün sərbəst buraxılacağını açıqlayıb.
Teleqraf.com xəbər verir ki, prezident hökumət üzvləri ilə keçirdiyi iclasda Talibanla əsir dəyişmə mübadiləsinin inkişaf etdiyini deyib.

O, savaşın artıq həll yolu olmadığını, bütün problemlərin müzakirə ilə həll olunacağını vurğulayıb.

Talibanın Qətər ofisinin sözçüsü Şüheyl Şahin əsirlərin dəyişdirilməsi prosesinin başa çatmasından sonra sülh danışıqlarına hazır olduqlarını açıqlayıb.

O, bir həftə ərzində dialoqun bərpa oluna biləcəyini istisna etməyib.