Fransada karantin tədbirlərinin yumşaldılması davam edəcək.

Yenisabah.az xəbər verir ki, bu barədə ötən gün xalqa müraciət edən Fransa prezidenti Emmanuel Makron məlumat verib.

Prezident deyib ki, Paris və ətraf qəsəbələr də daxil olmaqla iyunun 22-dən etibarən karantin rejimi tamamilə ləğv olunacaq, bütün obyektlərin fəaliyyətinə icazə veriləcək.

Makron koronavirus pandemiyasının ölkə iqtisadiyyatına ciddi zərbə vurduğunu xatırladaraq, bundan sonra daha çox işləməli olacaqlarını vurğulayıb.