İsrail Baş naziri Benyamin Netanyahunun oğlu Yair Netanyahu fələstinlilərin sürgün edilməsi təklifini irəli sürüb.

Axar.az xəbər verir ki, Yair Netanyahu Tvitter səhifəsində İsrailin mərkəz inşa etmək məqsədilə İslam Əl-İsaaf qəbiristanlığını sökməklə bağlı fəaliyyətlərinə etiraz edən fələstinlilərə cavab verib.

“Fələstinlilərin üsyanı Təl-Əviv-Yafada bir yerdə yaşamaq şansı olmadığını isbat edir. Bu baş verənlər bütün fələstinliləri şəhərdən sürgün etməyimizi vacib edir”, - Y.Netanyahu bildirib.

İsrailin ərəb millət vəkili Ofer Cassif isə Yair Netanyahunun açıqlamasına cavab verib.

“Çürük alma ağacdan uzağa düşməz. Balaca irqçi ata evindən nifrət və cəfalət öyrəndi. Onlar kimi nifrət edənlərlə bir yerdə yaşamaq şansı yoxdur. Onların getməsi lazımdır”, - millət vəkili bildirib.