Səudiyyə Ərəbistanı və Birləşmiş Ərəb Əmirlikləri Misir prezidenti Əldülfəttah əl-Sisinin Liviya ilə bağlı mövqeyinə dəstək verib.

Cebhe.info xəbər verir ki, bununla bağlı krallığın mövqeyi Səudiyyə Ərəbistanı rəsmi xəbər agentliyi tərəfindən yayılıb. “Səudiyyə Ərəbistanı sərhədlərini və xalqının təhlükəsizliyini qorumaq məsələsində Misirin yanındadır”-deyə, açıqlamada bildirilir. BƏƏ Xarici İşlər nazirliyi də Liviyada baş verənlərdən narahatlığını ifadə edib.

Qeyd edək ki, bir müddət öncə Misir prezidenti əl-Sisi hava qüvvələri komandanlığı ilə görüşdə Misir ordusunun lazım gələrsə ölkə sərhədlərindən kənarda əməliyyat aparmağa hazır olduğunu bildirib. “Sirte və Cufra bizim üçün qırmızı xətddir. Liviyanı liviyalılardan başqa heç kim qorumayacaq. Onlara yardım etməyə və dəstək göstərməyə hazırıq”-deyə, dövlət başçısı vurğulayıb.