Həqiqi avtomobillər qədər onların kiçik ölçülü surətlərinə də olduqca böyük maraq var.

TED.az Türkiyə mətbuatına istinadən xəbər verir ki, bu modellər şəxslərin həm sahibi olduqları, həm də arzuladıqları avtomobilləri əldə etmələrinə imkan tanıyır. Bu surətlərin ən yaxşılarını isə Böyük Britaniyada fəaliyyət göstərən Amalgam Collection hazırlayır.

Şirkət avtomobilləri daxildən xaricə doğru, orijinalı ilə tamamən eyni şəkildə hazılayır. Surətlər xüsusi şəkildə, lazer vasitəsilə modelləşdirilir. Bəzi moellərin yığılmasına 200-400 saat vaxt ayrıldığı bildirilir.

Firmaının yığdığı modellər arasında Formula 1 bolidləri, əfsanəvi klassiklər, superkarlar və başqa avtomobillər yer alır.

Dünyanın ən bahalı avtomobil surəti isə 7,5 milyon avro qiymət ilə Lamborghini Aventador Gold modelidir.

Ümumilikdə isə şirkətin yığdığı modellərin qiyməti 10-15 min dollar arasında dəyişir.