Seneqal Prezidenti Makki Sall 15 günlük karantinə alınıb.

Publika.az xəbər verir ki, bu barədə ölkənin Prezident Administrasiyası məlumat yayıb.



Xəbərə görə, Sall koronavirusa yoluxmuş insanlarla təmasda olub. Onun COVID-19 testi neqativ çıxsa da, qabaqlayıcı tədbirlər çərçivəsində izolyasiya edilib.

Bununla yanaşı, Seneqal parlamentində koronavirusa yoluxma aşkarlanıb.

Seneqal Səhiyyə Nazirliyinə bağlı Təcili Sağlamlıq Əməliyyat Mərkəzinin direktoru Abdulaye Bousso ölkədə 150-dən çox tibb işçisinin COVID-19-a yoluxduğunu açıqlayıb.

Xatırladaq ki, Qırğızıstan Prezidenti Suronbay Jeenbekov da ötən gün eyni səbəbdən karantinə alınmışdı.