ABŞ Venesuelaya neft aparan İran tankerlərinin kapitanlarına sanksiya tətbiq edib
25-06-2020, 10:41
ABŞ hökuməti Venesuelaya neft və neft məhsulları daşıyan İran tankerlərinin kapitanlarına sanksiya tətbiq edib.
Teref.Az SalamNews-a istinadla xəbər verir ki, bu barədə ABŞ dövlət katibi Mayk Pompeo məlumat verib.
ABŞ rəsmisi bildirib ki, Venesuelaya neft daşıyan İranın tankerlərinin beş kapitanına sanksiya tətbiq edilib.
Qeyd edək ki, ABŞ təhdidlərinə baxmayaraq, beş İran tankeri ötən ay yüklərini Venesuelaya çatdıraraq geri dönüblər. İran tankerlərinin bu yükü əsasən benzindən ibarət olub. Bu tankerlər bir milyon yarım bareldən artıq yanacağı Venesuelaya çatdırıblar.
Cari həftə ərzində də İranın bir yük gəmisi qida məhsullarını Venesuelaya çatdırıb.