İran hərbi sənayesinin istehsalı olan “Kövsər” hərbi təyyarəsi Hərbi Hava Qüvvələrinin sərəncamına verilib.

AZƏRTAC xəbər verir ki, bununla əlaqədar keçirilən mərasimdə İranın Müdafiə naziri general Əmir Xatəmi qırıcı təyyarənin sırf ölkəsinin müdafiə sənayesinin istehsalı olduğunu, onun heç bir detalının xaricdən alınmadığını bildirib. Onun sözlərinə görə, bu döyüş təyyarəsindən təlim üçün də istifadə etmək olar.

Təyyarə İsfahandakı hərbi sənaye müəssisəsində istehsal edilib.