Almaniya Britaniya ilə uçuşları dayandırdı
20-12-2020, 22:40
Almaniya hökuməti Avropa Birliyinin Böyük Britaniyaya uçuş qadağası tətbiq etməsini istəyir.
Axar.az xəbər verir ki, bu barədə “Bild” nəşri məlumat yayıb.
Bildirilib ki, Berlin 21 dekabr - 6 yanvar tarixlərində bu qadağanın tətbiq edilməsinə çalışır.
La-Manş tuneli və dəniz yolu ilə AB ərazisinə girişə icazə verilib-verilməyəcəyi isə sual altındadır.
***
Almaniya bu gecədən Böyük Britaniya ilə uçuşları dayandırır.
Bu barədə Almaniya Səhiyyə naziri Yens Şpan deyib.
O bildirib ki, mutasiyaya uğramış koronavirus səbəbindən Cənubi Afrika Respublikası ilə bağlı məhdudiyyətlər tətbiq ediləcək.
