Çin ilə ABŞ arasında informasiya müharibəsi pik həddə çatıb.

Axar.az xəbər verir ki, Çin kiber yollarla əldə etdiyi məlumatlardan yararlanaraq ABŞ-ın xarici ölkələrdəki casuslarını ifşa edib.

"Foreign Policy" jurnalında dərc olunan məlumatlara əsasən, Çin kəşfiyyatı 2013-cü ildən bəri ABŞ-ın Afrika və Avropaya göndərilən casuslarını aşkarlayıb.

Casusların ifşa edilməsi xüsusilə, ABŞ Mərkəzi Kəşfiyyat İdarəsinidə çaxnaşma yaradıb. MKİ-nin apardığı araşdırma nəticəsində Çinin gizli məlumatları kiber hücumlarla ələ keçirdiyi məlum olub. Belə ki, Çin casusların sağlıq və səyahət bilgilərini ələ keçirərək gizli məlumatları əldə edib.