"ABŞ prezidenti Donald Trampın vəzifədən gedən administrasiyası Rusiyanın haker hücumlarına qarışması ilə bağlı açıqlamaları ilə yalnız ikitərəfli münasibətləri korlayır və Ağ Evin yeni başçısı Co Baydenin Moskva ilə əməkdaşlıq qurmasına mane olur".

"MediaPost" "TASS"a istinadən xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova keçirilən brifinqdəki çıxışında bildirib.

"Bizə qarşı yeni ittihamların əsl məqsədi yeni seçilən prezidentin beynəlxalq informasiya təhlükəsizliyi məsələləri daxil olmaqla, Moskva ilə əməkdaşlıq qurmasına mane olmaq cəhdidir. Bu, nə Rusiyanın, nə də Amerikanın milli maraqlarına uyğundur", - deyə Zaxarova qeyd edib.

O, Moskvanın hər hansı bir Amerika prezidenti ilə beynəlxalq informasiya təhlükəsizliyi məsələsində praqmatik və konstruktiv dialoq aparmağa hazır olduğunu bir daha təsdiqlədiyini söyləyib.