Ermənistan Qarabağda öldürülən hərbçilərinin daha bir siyahısını açıqladı
26-12-2020, 17:36
Ermənistan tərəfi üçtərəfli razılaşmadan (10 noyabr) əvvəl Dağlıq Qarabağda məhv edilmiş daha 147 hərbçisinin adını açıqlayıb.
Virtualaz.org yerli KİV-ə istinadən bildirir ki, bununla işğalçı ölkənin rəsmən elan etdiyi itkilərin sayı 2017-yə çatıb.
Bildirilir ki, 11 dekabr tarixinə qədər Ermənistan Səhiyyə Nazirliyinin məhkəmə tibb xidməti 2996 hərbi qulluqçunun qalıqları üzərində müayinə aparıb.
Ermənistan tərəfinin məlumatına görə, hələ həlak olanların hamısı hərbi idarənin itki siyahısına daxil edilməyib. Bundan başqa, indiyədək qətlə yetirilmiş (?) 1 073 erməni hərbçisinin meyiti aşkar edilib.