Eastnews.org-un verdiyi xəbərə görə, İran Xarici İşlər naziri Məhəmməd Cavad Zərif "Tvitter"də İranın dinc məqsədli nüvə proqramı ilə bağlı narahatlığını ifadə edən İngiltərə Baş Naziri Boris Consonun iddialarına cavab verib.

Zərifin paylaşımında aşağıdakı ifadələr yer alıb:

"İngiltərə Baş Naziri Boris Conson tam bir ikiüzlülüklə İranın nüvə silahı istehsal edəcəyindən narahatlığını dilə gətirir. Eyni gün ölkəsi nüvə silahı arsenalını genişləndirəcəyini elan edir.
İran olaraq İngiltərədən və müttəfiqlərindən fərqli olaraq nüvə silahlarının və bütün kütləvi qırğın silahlarının barbarlıq olduğuna və ortadan qaldırılmalı olduğuna inanırıq".

London rəhbərliyi dünən nüvə arsenalını artırmağı planlaşdırdığını açıqlamışdı.