ABŞ hökuməti "Şimal axını-2" layihəsini həyata keçirən şirkətlərdən dərhal işi dayandırmağı tələb edib. Əks halda, onlara qarşı sanksiyalar tətbiq olunacaq. Dövlət katibi Blinken bu barədə xəbərdarlıqla çıxış edib.

İndiyədək 18 Avropa şirkətinin layihədən çəkildiyi məlumdur. Lakin Merkel hökuməti layihəni başa çatdırmaqda israrlı görünür. Rusiyadan Baltik dənizi vasitəsilə Almaniyaya uzanan boru kəmərinin 95%-ə yaxını hazırdır, təxminən 140 kilometrlik hissəsi qalıb.

Siyasi təhliçi Şahin Cəfərli bildirir ki, Bayden ABŞ prezidenti seçildikdən sonra Almaniya kimi dəyərli müttəfiqi incitməmək və Tramp dövründə müəyyən zərər görmüş əlaqələri təmir etmək üçün bu məsələdə güzəştə meylli idi: “Lakin bir tərəfdən Konqres buna qəti şəkildə qarşı çıxdı, digər tərəfdən də, belə görünür ki, Bayden mövqeyini dəyişərək Rusiyaya geosiyasi və maddi faydalar gətirəcək bu layihəni əngəlləməyə davam etməyi zəruri sayıb”.

Təhliçi onu da qeyd edib kia, Almaniyanın özündə layihə ilə bağlı konsensus yoxdur.

“Mövcud hökumət - xristian birlik partiyaları ittifaqı (CDU/CDU) ilə sosial demokratlar (SPD) layihəyə fəal dəstək versələr də, sürətlə nüfuzunu artıran və son sorğulara əsasən reytinqinə görə 2-ci yerə yüksəlmiş Yaşıllar layihəyə qarşı çıxır.

Ekoloji qeyri-hökumət təşkilatları da o cümlədən bu mövqedədirlər. Payızda Bundestaqa keçiriləcək seçkilərdən sonra yaşılların içində olduğu bir koalisiya qurulması ehtimalı var” - deyə, ekspert vurğulayıb.