ABŞ Ordusu “Lockheed Martin” tərəfindən istehsal edilən PrSM raketlərinin (Precision Strike Missile - yüksək dəqiqlikli zərbə raketi) uçuş məsafəsini artırmaq niyyətindədir.
Ordu.az xəbər verir ki, bu barədə “Breaking Defence” nəşri yazıb.

Qeyd olunur ki, plana əsasən raketlərin mənzili 3 dəfə artırılacaq. Raketlərin hazırda mənzilinin 500 kilometrdən çox olduğu deyilir. “Lockheed Martin” PrSM raketlərini hələ maksimum məsafədə sınaqdan keçirməyib.

Mediada Rusiyanın S-400 və digər hava hücumundan müdafiə sistemlərinin “qatili” adlandırılan raketlərin bu il ilk atış sınaqlarının keçirilməsinə qərar verilib.

PrSM proqramı 2017-ci ilin mart ayında başladılıb. Proqramın məqsədi hazırda ABŞ ordusunun MGM-140 ATACMS əməliyyat-taktiki raket ailəsini əvəz etmək üçün rəsmi olaraq 60-499 km aralığında mənzilə sahib olan yeni nəslin yüksək dəqiqlikli əməliyyat-taktiki raketinin yaradılmasıdır.