ABŞ konqresində ermənilərin oyuncağı Kris Smit parlamenti “Artsaxa” dəstək olmağa və 50 milyon dollar yardım etməyə çağırıb.

KONKRET.az xəbər verir ki, ABŞ konqresmeninin bu çağırışını qısa olaraq şərh edən Bakı Politoloqlar Klubunun sədri, siyasi şərhçi Zaur Məmmədov bunları deyib: “Xatırladım kı, 44 günlük müharibədən sonra qondarma respublikanın adını hər hansı bir tədbirdə, iclasda, xüsusən də parlamentdə çəkmək, üstəlik separatçılara maliyə yardımı etmək beynəlxalq hüququn kobud şəkildə pozulması deməkdir. Nəinki Dağlıq Qarabağ respublikası, ümumiyyətlə Dağlıq Qarabağ ifadəsi belə artıq yoxdur. Bu kimi çağırışlar isə revanşistlərə və separatçılara dəstəkdir”.