Əfqanıstan ordusundan "Taliban"a AĞIR ZƏRBƏ

27-07-2021, 08:39           
Əfqanıstan ordusundan "Taliban"a AĞIR ZƏRBƏ
Əfqanıstan təhlükəsizlik qüvvələrinin "Taliban" tərəfindən nəzarətə götürülən əraziləri geri almaq üçün başlatdıqları əməliyyatlar davam edir.

Publika.az xəbər verir ki, bu barədə ölkənin Müdafiə Nazirliyi məlumat yayıb.

"Əməliyyat nəticəsində Bəlx vilayətinin Kelder qəsəbəsi "Taliban"dan geri alınıb. Qarşıdurmalarda 20 taliban silahlısı öldürülüb, onlarla taliban üzvü yaralanıb”, - məlumatda deyilir.

Qeyd edək ki, Əfqanıstanda sülh prosesi qeyri-müəyyən olaraq qalsa da, təhlükəsizlik qüvvələri ilə "Taliban" arasında şiddətli qarşıdurmalar davam edir.

"Taliban" iyun ayının son həftəsində başlatdığı hücumlar nəticəsində Özbəkistan və Tacikistan sərhədindəki bütün qəsəbələrə nəzarəti ələ keçirib.

Özbəkistana uzanan və əhəmiyyətli ticarət yolu hesab edilən Hayratan Sərhəd Qapısını iki istiqamətdən mühasirəyə salaraq cənub-qərbdəki Qaznə vilayətinə irəliləyib.

8 iyulda isə ölkənin İran sərhədindəki İslam qala və 14 iyulda Pakistan sərhədindəki Spin Boldak sərhəd qapılarına nəzarəti ələ keçirib.шаблоны для dle 11.2



Loading...



Loading...





Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.