Əfqanıstanın son yəhudisi Zebulon Simantov ölkəni tərk edib.

Axar.az xəbər verir ki, bu məlumatı “Kan” televiziyası yayıb. Televiziya onun qonşu ölkələrdən birinə yerləşdiyini bildirib.

Televiziyaya açıqlama verən Simantovun yaxınlarından biri onun ölkəni Talibana görə yox, İŞİD və Əl Qaidəyə görə tərk etdiyini söyləyib.

Qeyd edək ki, Simantovun 62 yaşı var. O, uzun illər bütün təhdidlərə rəğmən Əfqanıstanı tərk etməkdən imtina edib. Amerika qoşunlarının Əfqanıstanı tərk etməsindən sonra isə ona qarşı təhdidlər güclənib.