Qaydalara riayət edən Türkiyə vətəndaşlarını ölkədən deportasiya etmək fikrimiz yoxdur.

Axar.az xəbər verir ki, bu sözləri Rusiyanın Federal Miqrasiya Xidmətinin sədri Konstantin Romodanovski deyib.

“Bununla bağlı araşdırmalarımız davam edir. Hazırda Rusiya ərazisində 80 min Türkiyə vətəndaşı var. Lakin bizim səbəbsiz yerə Türkiyə vətəndaşlarını Rusiyadan göndərmək fikrimiz yoxdur. Yalnız miqrasiya qanunlarına riayət etməyən Türkiyə vətəndaşları ilə bağlı tədbirlər görürük. Qanunları pozan istənilən ölkənin vətəndaşına qarşı sərt addımlar atılacaq”, - Romodanovski vurğulayıb.

Qeyd edək ki, Su-24 olayından sonra Rusiyada yaşayan Türkiyə vətəndaşlarının ölkədən deportasiya ediləcəyi ilə bağlı iddialar səsləndirilmişdi.