Pakistanın Xarici İşlər naziri Şah Mahmud Kureşi Pekində Çinin dövlət müşaviri və XİN rəhbəri Van İ ilə danışıq aparıb. Bu barədə fevralın 6-da “Pakistan Radiosu” xəbər verib.

Şah Mahmud Kureşi Van İni Olimiya oyunlarının uğurla keçirilməsinə görə, təbrik edib. O, həm də Van İyə Pakistanın suverenliyi, ərazi bütövlüyü, müstəqilliyi və milli inkişafının Çin tərəfindən dəstəklənməsinə görə, təşəkkür edib. Eyni zamanda bütün mühüm məsələlərdə Pakistanın da Çini tam dəstəklədiyini təsdiqləyib.

Tərəflər Əfqanıstandakı ağır humaitar situasiyanı da müzakirə ediblər.