Koronavirus infeksiyasının kökünü tam kəsmək mümkün deyil. Amma epidemioloji məhdudiyyətləri tezliklə aradan qaldırmaq olar. Bu barədə ABŞ-ın baş infeksionisti Entoni Fauçi bəyan edib («Finincial Times»).

“Mən ümid edirəm ki, kifayət qədər sayda insanın peyvənd alması və ya onların əvvəlki infeksiyalardan müdafiəsinin olması nəticəsində COVİD-19 ilə əlaqəli məhdudiyyətlər tezliklə keçmişdə qalacaq” - Fauçi qeyd edib.

O həmçinin qeyd edib ki, regional səhiyyə xidmətləri məhdudiyyət tədbirlərini yeni xəstəlik «partlayışları»nın baş verəcəyi təqdirdə, təzələyə bilərlər.

Amerikalı eksert həm də danışıb ki, koronavirusdan revaksinasiya müddətləri hər bir insanın sağlamlıq vəziyyətindən asılı olmalıdır.

“Əgər siz normalsınızsa, 30 yaşənda heç bir xəstəliyi olmayan sağlam insansınızsa, sizə revaksinasiya yalnız hər 4-5 ildən bir lazım gələr” - o, dəqiqləşdirib.

“AzPolitika.info”