Dinc əhalinin Mariupoldan təxliyyəsi təxirə salınıb. Bu barədə Donetsk Regional Dövlət Administrasiyasının rəhbəri Pavlo Kirilenko öz Telegram kanalında yazıb.
“12:45 Mariupoldan dinc əhalinin təxliyəsi təxirə salındı! Rusların “sükut rejiminə” əməl etməməsi və Mariupolun özünü və ətrafını atəşə tutmağı davam etdirməsi səbəbindən təhlükəsizlik məqsədilə əhalinin təxliyyəsi təxirə salınıb”, - Kirilenko yazıb.

Regional Dövlət Administrasiyasının rəhbəri insanları toplaşdıqları yerlərdən tez bir zamanda sığınacaqlara getməyə çağırıb.

Qeyd edək ki, Mariupolda şənbə günü saat 11:00-dan etibarən mülki əhalinin təxliyyəsi başlanmalı idi.

virtualaz.org