Almaniya kansleri Olaf Şolts ilə İsrailin Baş naziri Naftali Bennet arasında1 saat yarım davam edən görüş olub.

Axar.az xəbər verir ki, bu barədə Almaniya hökümətinin sözçüsü Şteffen Hebestreit sosial şəbəkə hesabında yazıb.

Sözçü bildirib ki, görüşün əsas mövzusu Bennetin dünən Moskvada Rusiya Prezidenti Vladimir Putinlə görüşünün nəticələri olub.

"Şolts və Bennett bu mövzuda yaxın təmasda olmaq qərarına gəldilər. Ortaq məqsəd Ukraynadakı müharibəni ən qısa zamanda bitirməkdir. Bütün gücümüzlə bunun üzərində çalışacağıq".

Qeyd edək ki, Bennett dünən Moskvada Putinlə təxminən 3 saat görüşdükdən sonra Şoltsla görüşmək üçün Berlinə getmişdi.