Ukrayna mühüm sənaye infrastrukturunu qorumaq üçün sülhməramlı kontingent yaratmaq xahişi ilə BMT Təhlükəsizlik Şurasına müraciət edib.

TNS xəbər verir ki, bu barədə "Ukrayna 24" telekanalının efirində Prezident Ofisinin rəhbərinin müavini Andrey Sibiqa məlumat verib.

“Ukraynadakı mühüm infrastruktur obyektlərinə (atom elektrik stansiyaları, kimya sənayesi obyektləri) təhlükəni nəzərə alaraq, biz BMT Təhlükəsizlik Şurasına müraciət etdik ki, bu obyektləri qorumaq üçün sülhməramlı kontingent daxil edilsin. Təcavüzkar ölkə buna mane ola bilməz", - Sibiqa bildirib.

Sibiqa onu da əlavə edib ki, bu gün Ukrayna Prezidenti Rusiya Federasiyasının hərbi cinayətləri üzrə beynəlxalq yurisdiksiyalarda Ukraynanın iddialarını və onların Ukrayna xalqının soyqırımı kimi qiymətləndirilməsini təmin edəcək xüsusi hüquq qrupunun yaradılması haqqında fərman imzalayıb.