“Qadağa birinci bizi öldürəcək”- Rusiyapərəst Le Pen
10-03-2022, 00:04
Aİ ölkələrinin Rusiyadan neft idxalına qadağa qoyması fəlakətli nəticələrə səbəb olacaq.
Bunu Fransa deputatı və Milli Cəbhə Partiyasının lideri Marin Le Pen bildirib.
“Bununla Rusiyaya zərər vurmağa çalışmaq doğru olmayan yoldur. Belə olan halda, ilk növbədə iqtisadiyyatımız ölmək riski ilə üz-üzə qalır və görünür, biz bu gün buna can atırıq”, - deyə parlamentari “France 2” telekanalında bildirib.
Bundan əvvəl Aİ-nin beynəlxalq məsələlər və təhlükəsizlik siyasəti üzrə ali nümayəndəsi Jozef Borrell Aİ-nin Rusiyadan enerji idxalına qadağa qoymayacağını bildirmişdi.
Rusiyadan enerji daşıyıcılarının idxalına qadağa qoyulacağını ABŞ Prezidenti Co Bayden bəyan edib. Amerika lideri qeyd edib ki, Vaşinqton Aİ ölkələrinin bu qadağaya qoşulmasında israr etmir.
