Almanlar Ukraynaya 100 milyon ianə verdi
10-03-2022, 17:50
Alman şirkətləri və vətəndaşları Ukrayna üçün 100 milyon avrodan çox vəsait toplayıb.
Axar.az xəbər verir ki, bu barədə Kiyev meri Vitali Kliçko məlumat yayıb.
“Kiyevə, Ukraynaya və onun müdafiəçilərinə dəstək olmaq üçün müraciət etdiyimiz alman şirkətlərindən və vətəndaşlarından 100 milyon avrodan çox ianə aldıq. Xüsusilə də Almaniya televiziyasında yayımlanan verilişlər sayəsində vəsaitlər və tonlarla humanitar yardım toplanıb”, - Vitali Kliçko yazıb.
O qeyd edib ki, qardaşı Vladimir Kliçko ilə birlikdə Ukraynaya yardım cəlb etməkdə davam edir.
