Hindistan Pakistana təsadüf nəticəsində raket atdığını təsdiqləyib.

Demokrat.az "Ria Novosti"yə istinadən xəbər verir ki, Hindistan Müdafiə Nazirliyi Pakistana qarşı təsadüfən raket buraxıldığını təsdiqləyib və hadisəni araşdıracağını bildirib.

"2022-ci il martın 9-da planlaşdırılmış texniki xidmət zamanı texniki nasazlıq raketin təsadüfən buraxılmasına səbəb olub. Hindistan hökuməti ciddi mövqe tutub və yüksək səviyyəli istintaq məhkəməsinin yaradılması barədə göstəriş verib. Məlum olub ki, raket Pakistan ərazisinə düşüb”, - deyə Hindistan MN-nin açıqlayıb.

“Bu hadisə bizdə dərin təəssüf hissi doğurub, hadisə nəticəsində heç kimin ölməməsi bizi həm də rahatlaşdırır”, - nazirlikdən deyilib.

Qeyd edək ki, bundan öncə Pakistan Xarici İşlər Nazirliyi Hindistanın İslamabaddakı müvəqqəti işlər vəkilinə zəng edərək hava məkanının əsassız şəkildə pozulmasına görə ona kəskin etirazını bildirmişdi.