ABŞ-ın Rusiyadakı səfirliyi Amerika vətəndaşlarını Qələbə Günü münasibətilə Moskvada keçirilən kütləvi tədbirlərdə iştirakdan çəkinməyə çağırıb.

Müvafiq mesaj cümə günü diplomatik missiyanın saytında dərc olunub.

Səfirlik ötən illərdə Moskvada 9 May münasibətilə tədbirlərin çox sayda polis qüvvələrinin müşayiəti ilə keçdiyinə diqqət çəkib. “Davam edən gərginliyi nəzərə alaraq ABŞ vətəndaşları böyük ictimai yığıncaqlardan çəkinməlidirlər”, – deyə bəyanatda qeyd edilir.

Diplomatik missiya amerikalılara ayıq-sayıq olmağı, özləri ilə şəxsiyyət vəsiqəsi daşımağı, həmçinin gözlənilməz hallar zamanı hərəkət planını nəzərdən keçirməyi tövsiyə edib.//Oxu.az