FaktXəbər-in məlumatına görə, neylon paketdən düzəltdiyi Messi forması küçədə futbol oynayan 5 yaşlı Mürtəza Əhmədi ailəsi ilə birlikdə Pakistana qaçmağa məcbur olub.

BBC-yə açıqlama verən Mürtəza Əhmədinin atası bildirib ki, ailəlikcə təhdid olunurduq ona görə də ölkəni tərk etmək məcburiyyətində qaldıq. Bizdən tez-tez pul tələb edirdilər. Sürətlə məşhurlaşan kiçik Mürtəzanın qaçırılmasından qorxduğumuz üçün belə qərar verdik.

Neylon Messi forması ilə dünyanın sevimlisinə çevirilən 5 yaşlı əfqanıstanlı uşaq, Messinin də diqqətini çəkməyi bacarmışdı. UNICEF-in də məsələyə qarışması ilə Messinin imzaladığı forma ona verilmişdi. Futbolçu 10 nömrəli Argentina formasını imzalayaraq əfqan uşağa göndərmişdi.
[media=https://www.youtube.com/watch?v=SGEheVq6FU0]