![[img]https://teref.az/uploads/posts/2025-08/1754680838_1.jpg[/img] Məhkəmə Hüquq Şurası məhkəmələrin şəbəkə cinayətinə son qoymaq istəmir](/templates/Webmedia4/dleimages/no_image.jpg)
“Rusiyada partizan hərəkatı başlayıb” - “İnsanlar Rusiyanın azadlığı uğrunda vuruşurlar”
29-08-2022, 08:03
Ukrayna Prezident Ofisinin başçısının müşaviri Aleksey Arestoviç Rusiyada partizan hərəkatının başladığını bildirib.
Bu barədə Arestoviçin rusiyalı hüquqşünas Feyginlə söhbəti zamanı danışılıb («UNİAN»).
“Ümumiyyətlə, Rusiyada «Rusiya Azadlıq Legionu»nun ocaqları çox geniş fəaliyyət göstərir. Qorxmaz gənclər qatarları dağıdırlar, aerodromlarda anbarları partladırlar, maşınları, hərbi komisarlıqları yandırırlar. Rusiyada ümumiyyətlə, Putin rejiminə qarşı əməlli-başlı müqavimət var. İnsanlar Rusiyanın azadlığı uğrunda vuruşurlar. «Legion» yayılır və genişlənir”– deyə, Arestoviç bildirib.
