Ukrayna ABŞ-ın NASAMS hava hücumundan müdafiə sistemlərini alıb.

Bizim.Media xəbər verir ki, bu barədə prezident Volodimir Zelenski CBS telekanalına müsahibəsində danışıb.

“Bizə ABŞ-ın liderlik nümayiş etdirməsi və hava hücumundan müdafiə sistemlərini Ukraynaya ötürməsi tamamilə lazım idi. Artıq təsdiqlənmiş müsbət qərara görə prezident Baydenə və Konqresə təşəkkür etmək istəyirəm. Biz NASAMS aldıq”, - deyə Zelenski bildirib.

Bununla belə, Ukrayna prezidenti vurğulayıb ki, bu sistemlərin sayı mülki infrastrukturu və yaşayış binalarını Rusiyanın zərbələrindən qorumaq üçün kifayət etməyəcək.