ABŞ prezidenti Co Bayden çıxışlarında tez-tez ciddi səhvlərə yol verir.

Bayden bu dəfə Ukraynanı İraqla qarışdırıb. "İraqdakı müharibə və Rusiyanın hərəkətləri səbəbindən neft üçün nəticələrə görə inflyasiya indi dünya problemidir",- deyə ABŞ prezidentiFloridada çıxışında bildirib. Daha sonra o, "Bağışlayın, Ukraynadakı müharibə", - deyərək səhvini düzəldib.

Onun sözlərinə görə, oğlu İraqda öldüyü üçün daim o ölkəni düşünür.

Qeyd edək ki, onun böyük oğlu Beau Bayden 2008-2009-cu illərdə İraqda xidmət edib. 2015-ci ildə ABŞ-da xəstəxanaya yerləşdirildikdən sonra beyin xərçəngindən 46 yaşında vəfat edbi. Prezident daha əvvəl etiraf etmişdi ki, oğlunun xərçəng xəstəliyinə səbəb ABŞ-ın hərbi obyektlərində, o cümlədən İraqda tullantıların yandırılması zamanı buraxılan zəhərli maddələrin təsiri ola bilər.

Eyni çıxışı zamanı Bayden səhvən Florida ştatını vuran son İan qasırğasını da İvan adlandırıb.
TASS